Mdee F. Junior

KATIKA MAHUSIANO:

 Huna haja ya kuvaa roho ya mbogo na faru kwa wakati mmoja pale ambapo mpenzi wako wa kiume amesahau siku yako ya kuzaliwa "birthday" au ameikumbuka ila hakuipa umuhimu ulioutarajia wewe. Wewe jiulize mbona mara nyingine yeye anasahau birthday yake mwenyewe? Usilitazame suala hili kama tatizo na kulitolea hukumu kwamba kule kusahau maana yake haupendwi, unadharauliwa, la hasha! Mara nyingine hata yeye aliyesahau hajielewi kwa nini alisahau, tena anaumia nakujichukia kwa nini kasahau. Ni tofauti za kijinsia baina yake na wewe ndizo zinazopelekea zaidi kuibuka kwa suala hili. Wote wawili hamna budi kusaidiana kwa upendo katika kushughulikia issue hii, na msiiruhusu iwaharibie furaha ya siku yenu. "Dont make mountains out of small hills".

Katika mahusiano ni bora tukafahamu kwamba maranyingi tunawasiliana kwa alama "codes", alama hizi huletwa na mambo mengi ikiwemo tofauti zetu za kijinsia. Pale mmoja anaposhindwa kuzisoma codes za mwenzake mikwaruzano huibuka. Nakupa mfano; wapenzi hawa wawili wanajiandaa asubuhi kuondoka kwenda kuanza siku makazini, mwanamke anasema "sina cha kuvaa" moyoni mwake anamaanisha "sina chochote kipya cha kuvaa, vyote vya zamani, nimevichoka". Mwanaume naye anasema "sina cha kuvaa" yeye akimaanisha "hakuna nguo safi iliyoandaliwa ya kuvaa". Sentensi ile ile imetafsiriwa kwa maana tofauti kutokana na kusemwa na jinsia mbili tofauti. Hii inakuonyesha jinsi ambavyo katika mahusiano kila mmoja anaangalia jambo kutokana na mahitaji na mtazamo wake, na mara nyingine kumwona mwenzake anavyotazama sio sahih na hivyo kutofautiana kuwa kwingi, jifunze kuzisoma "codes" za mwenzako. "When you know the right button to press, you will get the right response" fanya tofauti uone rangi yake

Mara kwa mara misuguano inapotokea katika mahusiano unakuta kuna mazingira ya mpenzi mmoja kuangalia zaidi mahitaji au uhitaji wake na kusahau kuupa kipaumbele uhitaji wa mpenzi mwenzake. Inakuwa kabisa kama vile wote mnahitaji hewa sawa ili kupumua lakini kila siku unaona mwenzako anaiminya mirija yako ya kupumulia wakati yeye anaongeza uwezekano wake wa kupumua vizuri. Kamwe hatuishi hivi kwenye mahusiano. Jifunze na ubadilike.

Sio tu uamue kumpenda pale atakapoonyesha mazingira ya kukuheshimu na sio tu uamue kumheshimu pale atakapoonyesha mazingira ya kukupenda. Ukweli ni kwamba haunabudi kumheshimu hata kama mazingira ya kukupenda ni madogo na yeye hana budi kukupenda hata kama mazingira ya kumheshimu yanaonekana kuwa finyu. LOVE and RESPECT ‘equation’ huanzia hapa. Kama kila mmoja kwenye mahusiano akijua jukumu na “call” yake katika mahusiano hayo, baadhi ya mikwaruzano na majibizano yatabaki kuwa historia.

Chris Mauki.

Inaendelea...
Usikose Part 3.
0659 700 002
0653 100 100 




NAWASHUKURU WASOMAJI WANGU, SASA TUMEFIKIA WASOMAJI ZAIDI YA ELFU 26,000. ENDELEA KUWASHIRIKISHA NA WENGINE.

Majeraha ya moyoni mnayopandikiziana katika mahusiano yenu leo sio yote huisha kirahisi mara tu mnaposameheana na kuamua kuanza mambo yenu upya. Zipo nyakati hamna budi kulipa gharama ya vidonda na majeraha mliyoyaruhusu kutokea katika zile nyakati za ukakasi mlizopitia katika mahusiano yenu. Yamkini usilipe gharama ya maumivu leo lakini kesho ukaumia kwa kuwaona watoto wako wanapitia katika vitu vilivyosababishwa na mbegu ulizopanda wewe huko awali. Usisahau kuwa "what goes around comes around"

Heshima kwa mpenzi wako wa kiume inatakiwa kuota mizizi moyoni mwako bila shuruti na pasipo kuathiriwa na vitu kama uwezo wako wa juu kielimu, kiakili, uwezo wa kifedha, uwezo wa wazazi wako, mafanikio binafsi, uwezo wa kujuana na watu wenye uwezo "networks and connections" n.k. Katika mazingira haya ndipo mbegu ya unyenyekevu inapo ota na kumea.

Je unaishi nyumbani au kwenye nyumba? Unapotoka kazini au katika mizunguko unasema unaenda wapi... nyumbani au kwenye nyumba? Penzi na amani vinapokosekana baina ya waishio chini ya dari moja basi wanakuwa wanaishi katika nyumba "living in the house' bali penzi linapowajaa na kuwazunguka mahali hapo panaitwa nyumbani "home". Yawezekana we unapaita nyumbani kimazoea ila kiuhalisi ni kwenye nyumba. Tamani kuishi na kuwa nyumbani na watoto wako wakue wakiwa nyumbani.

Mapenzi hayamaanishi uwezo wa kumtafuta na kumpata mtu sahihi wa kuwa naye kwenye penzi bali uwezo wa kutengeneza mahusiano yaliyo bora na yenye utoshelevu baina ya walioko katika mahusiano hayo. Sio tu kwa jinsi gani umeanza mahusiano kwa penzi la nguvu na bashasha lakini zaidi ni kwa jinsi gani unalijenga na kuliongeza penzi lenu hadi mwisho.

Mara nyingi yako mambo ambayo tuliwahi kuyafanya au yaliwahi kutokea katika maisha yetu kabla ya mahusiano tuliyomo ambayo yamkini tunayaficha sana katika “history box” tukihofia kwamba kama yatajulikana kwa mpenzi wako basi yaweza kuleta mzozo mkubwa na yamkini kuwatenganisha kabisa. Hembu jiulize nini umewahi kufanya au kimewahi kutokea maishani mwako ambacho hujawahi kumwambia mpenzi wako na unahisi akikijua inaweza kuleta shida? Jiulize je unaijua “history box” ya mpenzi wako? Una tamani kuijua? au labda hata hutamani kuisikia maana itakuchafua na kukuhatarishia uwepo wako katika mahusiano yako? Wengine “history box” zetu ni majanga!!!! Kwahiyo tunatumia nguvu sana au hata garama kubwa katika kuzificha zisije kujulikana na wapenzi wetu. Mara nyingi inakuwa ngumu sana unapokuja kufahamu yaliyo kwenye “history box” baada ya kuzama kwenye mahusiano na kwa hivyo kukupa maumivu makubwa. Ni bora na vema katika urafiki na wakati wa kujuana kila mmoja akaweka bayana yaliyomo kwenye “history box” yake ili kila mmoja aamue kwa dhamira thabiti kuendelea au kusitisha safari ya penzi. Tatizo kubwa ni pale ambapo spidi ya kuingia kwenye penzi inakuwa kubwa na yenye upepo mwingi kuyafanya masikio na macho yako yasione wala kusikia kilichopo kwenye “history box” ya mpenzi wako. Unapofika ndani ukishatulia ndo unakuja kugundua kumbe “ulipokumbatia kwa mwili wote hapastahili hata kugusa kwa kidole” 

Kule kujali kudogo sana tena kunakoonekana si kitu (katika macho ya mwanaume) huonekana ni kitu muhimu sana na kunakofaa kwenye macho ya mwanamke. Vitu vidogo, vinavyooneka havina haja hata ya kuvifanya (kwa mtazamo wa mwanaume) vimechukuliwa kama vinavyopendwa sana na kutamaniwa kufanyika wakati wote na jinsia ya kike. Katika mahusiano ni vema kufahamu kwamba sio mambo makubwa yenye tija na kuweza kukuza penzi bali mambo madogo. Wakati mwingine wala sio mambo makubwa huua penzi na kuwagawanya waliowahi kupendana sana bali ni mambo madogo. Yamkini kile usichokijali kufanyiwa wewe, mwenzako anakitamani sana umfanyie. Mara kwa mara tumekuwa tukikimbilia kwenye mambo makubwa tena yanayotugharimu pesa tukidhani kuwa kwa kuwafanyia hayo wapenzi wetu tunaongeza penzi kumbe viko vingine vidogo vidogo ambavyo hata havigharimu pesa, ila uthamani wake ni zaidi ya pesa. You better learn to touch the untouchable.

Chris Mauki
Mtaalamu wa Saikolojia Ya Jamii na Ushauri - UDSM.

0659 700 002 / 0653 100 100.    


NAWASHUKURU WASOMAJI WANGU, SASA TUMEFIKIA WASOMAJI ZAIDI YA ELFU 25,000. ENDELEA KUWASHIRIKISHA NA WENGINE.

Yatupasa wote tuliopo katika mahusiano, kabla ya kuendelea na kufanya maamuzi fulani tuwe tunatazama pia dalili za hatari. Kwa upande mkubwa dalili hizi zimeegemea kuwasaidia zaidi jinsia ya kike kujua au kuwafahamu wanaume. Hii ni kwa sababu wanawake ndio ambao wamekuwa wakioyesha kuumizwa zaidi na kukatishwa tamaa na mabadiliko ya tabia za wanaume mara wanapozama katika dimbwi la mapenzi. Ingawa wapo pia wanaume wanaoumizwa kutokana na mabadiliko ya tabia za wapenzi wao, na wao pia waweze kuzitazama dalili hizi.

DALILI ZENYEWE HIZI HAPA:

1. Mpenzi wako anakuwa na wivu sana kwa ule muda unaotumia kuwa na wafanyakazi wenzako,
    marafiki na hata ndugu zako, ingawa sio kwamba anataka muda huo awe na wewe.

2. Anakuwa na tabia za kukuudhi na kukutawala, ataangalia sana kutoka na kuingia kwako, nyendo zako
    na hata matumizi yako ya fedha, na kama ukimuuliza kwanini anafanya hivyo atajitetea kuwa anakusaidia
    kufanya maamuzi sahihi.

3. Taratibu anakutenga na wote waliokaribu na wewe, pia anajaribu kukutenga na wale wanaoonekana
    kuwa msaada kwako kama vile wale unaowasiliana nao kwa simu, wafanyakazi wenzako na hata ndugu
    zako wa karibu.

4. Huwa na tabia ya kuwalaumu sana wengine kwa matatizo anayoyapata yeye. Mfano anapokosa kazi,
    anaposhindwa shuleni, anapokosa pesa nk. Kila kitu ni kosa la mtu mwingine na sio yeye.

5. Hukasirishwa na kuudhiwa na vitu vidogo vidogo na vya kawaida katika maisha ya kila siku, mfano
    akiambiwa afanye kazi zaidi ya muda wa ofisi, akiombwa amwangalie mtoto, anapopingwa katika kitu
    kidogo nk.

6. Anakuwa na tabia za kikatili kwa wanyama wafugwao “pets” na hata kwa watoto. Haumizwi pale
    anapoona maumivu au kuteseka kwa kiumbe kingine. Anaweza kujiona anacheza au anatania bila kujua
    anamuumiza mtoto au mnyama.

 7. Ni wenye tabia ya mabavu hususan katika tendo la ndoa, hawatojali hisia zako, umelala usingizini au
     unaumwa, bali hujali zaidi kuzitimiza haja zao.

8. Ni wenye maneno makali yakuumiza na ya kushusha hadhi, huweza kukuamsha usingizini ili akutukane au
    kukugombeza. Akianza malumbano hakupi upenyo wa kwenda kulala, anaweza kulalama usiku mzima.

9. Sio watu wakutabirika, ni watu wenye hisia za kubadilika badilika, mara muda huu anafuraha na
    kuonyesha mapenzi, mara ghafla kakasirika na kutaka kuadhibu mtu.

10. Anaweza akawa na historia ya tabia za kikorofi na kigomvi, labda amewahi kuwa na matukio ya
      kuwapiga marafiki zake, akijitetea kuwa alipitiwa tu na hasira.

11. Ni mwenye vitisho na tabia za kuashiria fujo, mfano kupenda kutishia akisema “nitakuzaba vibao”
      “nitakuuwa ‘I will kill you if….”, “nitakuvunja shingo”, “nitakufanyia kitu mbaya” n.k.

12. Mwenye tabia ya kupiga au kugonga vitu kwa hasira, kuvunja vitu vyako, kukurushia vitu wewe au
      watoto kwa hasira.

13. Hutumia nguvu anaposisitiza hoja yake, mfano, kukushika nguo au kukukandamiza ukutani na mara
      nyingine kukusukuma.

• Tafiti zimegundua kwamba, kama mtu anaonyesha tabia za fujo na kijeuri wakati wa urafiki au uchumba    kuna uwezekano mkubwa wa kuwa mtu wa hatari zaidi mara atakapoingia kwenye ndoa. Kamwe usijidanganye na kujifariji kwamba hivyo vijitabia anavyovionyesha sasa eti atabadilika tu mara mkioana. Sahau.

Kumbuka; fujo huzaa fujo, na ujeuri huzaa ugomvi na kwa haraka vyote hivi huua mapenzi kwa wale wanaopendana.

CHRIS MAUKI - Mtaalamu wa Saikolojia Ya Jamii na Ushauri. 

 KUMBUKA:
Kama Blog hii imekuwa ya baraka kwako, unaweza kui-support kwa kununua bidhaa yetu ya Mafuta Halisi Ya Alizeti ili kuendelea kukuletea mafundisho zaidi kutoka kwa watu mbalimbali waliofanikiwa.
Bei zetu ni nzuri na mafuta haya yanapatikana kwa bei za Jumla na Rejareja!

Wasiliana nasi kwa:
0659 700 002.  Asanteni na Mungu awabariki wadau wangu!

 
SHAMBULIO la kigaidi lililofanywa nchini Kenya Jumamosi iliyopita na watu waliodhaniwa kuwa wafuasi wa Al- Shabab, sasa limeelezwa kutekelezwa na mtandao mpana zaidi wa kigaidi wa kundi la Al-Qaeda.


Baadhi ya wachambuzi na wachunguzi wa masuala ya kiusalama na kimataifa, wameyataja mambo matatu ambayo yanathibitisha pasipo shaka kwamba waliotekeleza tukio hilo la kuvamia, kuteka nyara na kuua watu wapatao 68 katika Kituo cha Biashara cha Westgate, ni wa aina ya kundi ambalo kinadharia na kimatendo linafanana na lile la kigaidi duniani la Al-Qaeda. Mambo yanayotajwa na wachambuzi na wachunguzi hao ni pamoja na mbinu, teknolojia na aina ya watu waliotumika kutekeleza shambulio hilo.

Katika uchambuzi wao, wameeleza kuwa mbinu iliyotumiwa na magaidi hayo kuvamia pasipo kujulikana mara moja na vyombo vya ulinzi na usalama vya nchini Kenya, lakini pia aina ya silaha walizokuwa nazo, inaonyesha kuwa kundi hilo limeamua kutumia kivuli cha Al-Shabab kufikisha ujumbe kwa dunia kwamba lipo licha ya uongozi wake kubadilika.

Kwamba mbali na mbinu pamoja na teknolojia, pia aina ya watu waliohusika kutekeleza shambulio hilo ambao wamebainika kutoka katika mataifa mbalimbali duniani, ndio ambao wamewafanya wachambuzi na wachunguzi hao waanze kupata shaka kwamba huenda kuna kundi kubwa zaidi lililotekeleza shambulio hilo, ambalo limejivika taswira ya Al-Shabab.

Watu wanaotajwa kuvamia kituo hicho cha biashara na kutekeleza unyama wa kutisha, wanaelezwa kutoka katika mataifa ya Somalia, Uingereza, Marekani na Syria.

Taarifa hizi zinathibitishwa na kauli iliyotolewa juzi na Waziri wa Mambo ya Nje wa Kenya, Amina Mohamed ambaye katika mahojiano yake na Kituo cha Televisheni cha Al-Jazeera, alisema kuwa Al-Shabab hawakuwa peke yao katika shambulio hilo.

Mohamed aliiambia Al - Jazeera kuwa al-Qaeda ndio waliokuwa nyuma ya tukio hilo na si Al-Shabab.

“Al-Shabab hawafanyi peke yao, hili shambulio ni sehemu ya kampeni ya ugaidi wa kimataifa,” alisema Mohamed.
Waziri huyo alisema zaidi ya magaidi 20 wakiwemo wanawake, walikuwa nyuma ya shambulio hilo na kwamba watu hao wametoka katika mataifa tofauti tofauti duniani.

“Al-Shabab wanataka kujionyesha kwenye ngazi ya kimataifa, hasa baada ya kubadili uongozi na wanataka kuionyesha dunia kwamba wana nguvu bado, hivyo kuwekwa kwenye kundi la kulifikiria,” alisema.

Katika mahojiano yake mengine na kituo cha cha PBS cha nchini Marekani, Waziri Mohamed alisema washambuliaji kama wawili au watatu wamebainika kuwa ni raia wa Marekani na Mwingereza mmoja.

Ni kutokana na taarifa hizo, baadhi ya wachambuzi wanasema kuwa shambulio hilo la kigaidi lina ajenda zaidi ya Kenya.
Zipo hisia kwamba shambulio hilo halikuwa na lengo la kuiumiza Kenya pekee, kutokana na hatua yake ya kupeleka majeshi yake kwenda kupambana na kundi la kigaidi la Al-Shabab nchini Somalia, bali pia kumuumiza Rais wa Marekani, Barack Obama, ambaye kwa asili anatoka nchini humo.

Obama ambaye nchi yake imekuwa ikiongoza mapambano dhidi ya makundi ya kigaidi ikiwamo lile la Al-Qaeda, ambapo hivi karibuni ilifanikiwa kumuua kiongozi wake, Osama bin Laden, baba yake ni raia wa Kenya.

Baadhi ya wachambuzi wanasema kuwa, kitendo cha magaidi kuamua kukishambulia kituo hicho cha biashara cha Westgate, kinatokana pia na ukweli kuwa watu wengi wanaopenda kutembelea hapo ni raia kutoka mataifa ya Magharibi wakiwemo Wamarekani, hivyo ulikuwa ni mkakati wa kumuumiza Obama kwa njia hiyo.

Katika hotuba yake aliyoitoa siku ya Jumatatu, Rais wa Somalia, Hassan Sheikh Mohamud, alilielezea kundi la Al-Shabab kuwa ni tishio jipya kwa dunia.


Source: Fahamutz



NAWASHUKURU WASOMAJI WANGU, SASA TUMEFIKIA WASOMAJI ZAIDI YA ELFU ISHIRINI NA NNE 24,000. ENDELEA KUWASHIRIKISHA NA WENGINE.